Admin
المدير
المهنة : 
البلد : 
 الابراج :  عدد المساهمات : 464
السٌّمعَة : 0
تاريخ التسجيل : 17/11/2010
العمر : 31
 |  موضوع: اللغة العربية الفصحى:كارثة فبلادنا-بقلمي السبت أبريل 16, 2011 11:04 am | |
| السلام عليكم
واحد النهار شعلت التلفزة .قلب شقلب .قلب يا ماتقلب
حتى قلبني الواليد ..نوض جيب الكومير
رجعت لقيتو شعال الأولى :اجتماع طارئ ..البرلمان والشخصيات المهمة
بداو دارو البسملة..كولشي هوا هاداك الكرافاطا..السلسلة ديال سروال
الكلمة لوزير ....
على بركة الله ...على بركة الله على بركة الله
احم احم حممممححححم
باسم الله
الحمد لله، نحمدهُ ونستعينهُ ونستغفرهُ ونستهديهِ، ونعوذُ باللهِ من شرور أنفسنا وسيئات أعمالنا
من يهدهِ اللهُ فلا مضلَّ له، ومن يضلل فلا هادي له. وأشهد أن لا إله إلا الله وحده لا شريك له، وأشهد
أنَّ محمداً عبده ورسوله. من يطع الله ورسوله فقد رشد، ومن يعصهما فإنَّه لا يضر إلا نفسه ولا يضر الله
شيئاً...
أمـا بعد :
اه شنو هادي واش الميم ولا العين ولا الصاد...محمد ..سعيد ...رضا..اشنو هاد الكلمة ..اعتقونا اعباد الله
هادي اسيدي مملكة المغرب ..اه شكرا
اولي اعباد الله..الورقة مطبوعة بالحاسوب .الحجم 249 ..وماقشع والو...
قلبت القناة وانا لقيت عالم فريد ..غي اعادة..
واحد سولوه :قاليهم
"أشوف في الكاميرة وأخود الرقم 3 ..
اودي العربية كيف داير ..
هادي ولات الدارعربجة ...اتحاداكوم تقراوها...
قلبت التلفزة وانا نلقا arab's got talent
سولو المغربي :ما شعورك؟
قاليهم:النهار كلو وانا اتمرن...أعرق ثم أنعس..عييت ..اعرق بزاف.......السيمانة الجاية سأجيب لكم طيارة من الحركات..
سير اولدي مفيش مرة جاية.
حنا المغرب البلد الوحيد اللي عندو الناطق باسم...المتحدث باسم الناطق باسم ..و الناطق باسم المتحدث باسم الناطق باسم...
وعاد نائبه وعاد المستشارين ..ومال الرئيس مايدويش ..مسورت على فمو ...زيزون...اجي بعدا كيدار وصل لهاد المنصب...
الطفل الفلسطيني هو سيدنا ومولانا ..دري فعمرو 8 سنوات..عندو أحلام (ماشي اللي فالليل) عندو طموح..باغي يولي مهندس ..ومكرهتش رائد فضاء..
حنا فالمغرب :الطفل تايفكر غير فكرشو وفالخوا الخاوي
سولو واحد المجموعة ديال الأطفال على الأحلام ديالهوم المستقبلية
1-انا باغي نولي بيسري ..حانوت ..سوبر مارشي..
2-انا باغي نولي شاب بلال
3-واحد رقيوق قد الستيلو :انا باغي نولي bigg الخاسر hhhh
4-هدا هو الخطير:انا ماكرهتش شي حلم نكون فيها سوبير مان ..نحرق المدارس..الجامعات..نحرق الضو الحمر.. نحرق الgاميلة...
اسكت الله يحرقلك اللسان
الحاصول قراو على ريوسكم ...
بغيت نقوليكم تعلمت نكتب سميتي بالعربية :
اسمي ابراهيم
-------------------------------
ملاحظة بسيطة:من فضلكم
سواء أضحككم الموضوع أم لا
قدرو المجهود على الأقل كلمة شكرا
لانها تزيدني حماسا ..
وشكرا --تحياتي لطاقم اشراف المنتدى
| |
|
