۩ قانون اللاقانون ۩ بقلمي

هل صحيح أننا نطبق و يطبق علينا القانون كما يجب أم فقط نعرف كيف نطبق أكل دانون

أين الديموقراطية التي يتحدثون عنها أين هي المبادئ و المناهج التي تعلمناها على يدكم بالعصى و الهراوة و الركل على الوراء

أين نحن من الديموقراطية لا شيئ كلام في كلام فقط لنعيش في الأوهام ,يطمحون الى تهريس ارادة الأمة بأي وسيلة فقط خوفا على مصالحهم
لكن نحن أيضا سبب في ما يقع نعيش من أجل أن نعيش كالطير المنتوف الريش حاضين غير الحشيش و التبقشيش

لماذا كل هذا الجهل ألسنا حيوانات لها عقل تفكر به و دلقوش نتكلم به و نعبر به ,ما الفرق بيننا و بينهم و في الأخير نحن أمام الله سواسية لا فرق
قلة وعي المجتمع هي من تسببت في هذه المسرحية الهزلية التي لعب بطلها دوره كما أراد المخرج
و قد حققوا مقصدهم نعم وصلوا الى ما كانوا يريدون الوصول اليه ليس في صالحهم بأن نوجه نظرنا نحوهم فقط بل هناك دوزام و روتانا
أرادوا تشتيتنا ففعلوا لأن الخوف هو من سيطر علينا,نعم خوفنا من طيش سلطتهم,سلطة القمع و اسكات الأفواه التي تدافع عن الحق.
دولة الحق و القانون و الشعب فوق الكانون كيف ما خلاها الرابور مسلم ياو ياو, أتعرفون معنى دولة الحق و القانون في بلادنا
الكل يفهمها فهما خاطئا, و خليو هاد الجمل ناعس بلاما تسولوني ما قادر على حبس دابا

المهم أعتذر اخواني لأني سأكمل باللهجة المغربية,و أستسمح لأن الطرفة التي وقعت لي اليوم أرغمتني على ذلك.
قالو ليا شفناك من بعيد و خاصك تودي ولا غادي نتاخدوا معاك شي اجراءات أخرى هع الأمن ديال آخر الزمان هو هذا

هاذ الطرفة لي طرات ليا اليوم نفخات ليا الريش غدا تلقاوني في الحبس ديال عكاشا و لا في غوانتانامو و لا في شي قرينة كحلة و لا ما غادينش تلقاوني كاع
هاذ الطرفة كنت غادي نحط فيها 300 درهم بالتمام و الكمال و انا ما هاز معايا في جيبي حتى 2 ريالات

كنت في الدار ما عليا ما بيا تانشاطي مع محمد المنحوس راس الفلفة

و كنتسنى في راس الغربال يفيق

و يعطيني التحاليل لي موصيه عليهم

حتى قالت ليا الوالدة نوض تسخر لحانوت صافي توادعت مع فليلفة و دعا معيا معرفتش باش مع كنت زربان باش نوض

نضت هزيت خديت الكونطاك و الوراق و خرجت الحديدة من الكراج(واحد القرشاش

) و هزيت الكاسك على قبل صحاب الحال عارفهم تيقلبوا على أقل سبب

و الفضيحة نسيت البطاقة الوطنية, خدمت القرفاش و خرجت من الدار عننننننننننن عننننننننننن رررررررررررررر...,حتى قربت نخرج من البيست و ندخل
الطريق الرئيسية عاد درت الكاسك واخا الطرق تاتصفر,كملت طريقي شوية حتى خرجوا ليا صحاب الحال على غفلة

و قفوني السلام عليكم و عليكم السلام
سكت هاد الخرشاش وخا هاني سكتوا نزل منو ندير الخاطر هاني نزلت,جبد لوراق جبدت الوراق لقاهم هوما هادوك ,اش تيجيك هاد الخينة هداك الواليد
شنو سميتك سميتي وليد كنيتك كنيتي فلان نسا ماسولنيش على جدي و جدا و عمي و خالي وليت في المحكمة بغيت التونيا ضربهم الراس

شكون مول هاد القرقاش باغي يعصبني قلت ليه الوليد هو مول هاد الزعطر و هاد الزمر

, مزيان و فين غادي بالسلامة غادي نضرب غير سخيرة و نرجع لدارنا

قال ليا اوليدي غادي نسيفطك تخلص 300 درهم

قلت ليه ماكاين مشكل نمشي نخلص راه حتى حنا جانا الضوء غالي هاد الشهر هارا نمشي نخلص ليك

و هو يطلع ليه الدم و بدا تايغوت و يخرج في عينيه غادي تخلص الفوت لي درتي الله اودي اش هاد الباطل

اينا فوت درت انا قدامك و السكوتر قدامك و ناضي
و الوراق ناضين و الكاسك ناضي و السرعة ناضية اينا فوت, اهو يخنزر فيا قال ليا بلاما تحايل عليا راه شفناك من بعيد باقي نازل من البيست حتى شفتينا عاد درتي
الكاسك رتكبتي مخالفة و خاصك تخلص

, الله اودي شمن مخالفة و هاديك الطريق ما تادوز منها حتى النملة الأخيرة راه ديما حتى تنقرب ندخل الطريق عاد تندير الكاسك
هو يشدني من ايدي و جرني لعندوا و هو يقول ليا خاص لي يهرس ليك داك الدلقوش غادي ندي موك الحبس دابا

و أنا نشعل معاه و نترت ايدي من ايدو

و أنا نقول ليه و الله ما تدي من عندي الفرنك اللخر

, و هو يقول ليا جبد لاكارت ديالك أووووووووووووووووووووووووووه و هو يجيني لماء في الركابي

قلت ليه ما جبتهاش خليتها في الدار قال ليا عندك بعدا ما جايبهاش و زايد فتخراج العينين و تنفخ على المخالفة نتا باغي تورينا اش نديروا راه القانون هذا

آآهيا و انا نوض ليهم منين قال ليا القانون ,اشمن مخالفة من المخالفات جبد ليا الفصل لي تينص عليه المشرع في مدونة السير الجديدة لي تايعاقب على نية
الشخص اذا ما كان يريد ارتكاب هاد المخالفة و لا لا

, طرن و هما يسقلوا

,وليدي اش تدير فحياتك, تنقرا الحقوق بمراكش , و اشمن مستوى عندك
عندي العام الثاني قنبلتها

و العام الجاي الإجازة و تفكرت اني هاز معايا البطاقة ديال الطالب و انا نعطيها ليه و قلت ليه دابا الى بغيتي تاخد شي اجراء
في حقي غير خود و بضاو تيضحكو هاديك الضحكة الصفرة

واقولها من الصباح علاش مخلينا مشحفين راسنا معاك و مسخسخين على والوا

قريتي المخالفة و الجنحة و الجناية و العقوبات لي كتصدر فب حق مرتكبها ,هادشي كامل قريتوا كيفاش زعما حنا ما واعينش و لا شنو

صافي سير اوليدي على الله و المرة جاية نتابه يلاه سير الله يوفقك في قرايتك و قرا مزيان ,قلت ليه في خاطري الله ينعل لي ما يحشم ما كاتقشروش

كون لقيتي شي واحد ما قاريش و ما واعيش كون سلبتيه هاديك 300 درهم و زرفتيه تلاقيتوا غير الشفار على خوه

خنزرت فيهم و مشيت و الله ما هدر شي قرد

.
تسمع الأمن تقول صافي كاين الأمان في البلاد
و لكن ايلا درتي بالك منو لحقاش ما فيهم أمان
قال دولة الحق و القانون قال

صافي تقاديت

» فهذه مصيبة .. بقلمي
» اللغة العربية الفصحى:كارثة فبلادنا-بقلمي