ممنوع دخول الخوافة والدراري الصغار

كيف حالكم..؟
أتمنى أن الكل يكون بخيير

موضوعي هاد المرة حقيقي وواقعي %100
نبداو على بركة الله
تبعو معايا القصة مزيان وللي كايخاف غي يمشي بحالو

هدا واحد النهار.شحال هاذي مللي كنت صغير كان فعمري شي 20 عام ولا 21،كنت كانقرى فالباك (ديال المغرب)، لمهم كمل العام(ما خديتش الباك) وجا الصيف ، وجا معاه عمي مول المصيبة للي راني نحكي عليها،المهم جا عمي عند الوالد وطلبو باش نمشي نعاونو فالقهوة ديالو للي كاينة فالجبل، الواليد وافق،جمعت حوايجي ومشيت مع عمي،وصلنا على خير وبيخير للبلاد فين كاينة القهوة ديالو،مشينا لدارو فين ساكن هو وولادو ،نعست ورتاحيت مزيان الحمد كلشي هو هذاك..نهار لاخور مشيت مع عمي للقهوة باش يوريني شنو ندير ،لخدمة ساهلة دغيا توالفت معاها ،دازت شي 15 يوم من نهاار بديت نخدم..حتى للنهار المشؤوم .أكفس نهار فحياتي، كنت gالس فالكونتوار هي تدخل واد السيدة زويينة تبارك الله،طويلة وبيضة ،زعرة وباينة لاباس عليها..gلسات وبقات كاتسنا وتشوف فالساعة،و أنا باقي واقف فبلاصتي حاير فالزين للي عطاهاالله..شويا وهي تعيط عليا..مشيت عندها ...السلام السلام قالتلي بغيتك تعاوني فواحد المهمة وماغدي يخصك معايا حتى شي حاجة،قبل مانهدر أنا جبدات واحد الكمشة ديال الزرقات وعتاتهومليا، والله إلى فلوس....ماتيقتش....وما حسيتش براسي حتى وافقت نعاونها.سولاتني على الوقت للي نكمل فيه الخدمة باش تساناني..خرجات...ركبات فواحد الطوموبيل واعرة...خلاتني حال فمي...بقيت كنهدر غي بوحدي وكنفكر فهادد الهمزة للي جابها الله....ماحسيتش بالوقت حتى وصلات 12 ديال الليل...سدينا القهوة أنا والخدامة ديال عمي..وماتيقتش مللي لقيتها كاتسنا فيا فديك الطوموبيل للي كانت فيها ولكن بدلات حوايجها ولبسات حوايج بيضين..هي هديك مشيت ركبت معاها ....تمشينا شويا وحنا ساكتين.....وصلنا لولحد لبلاصة مظلمة ومع دوك الجبال والخلا والقفار بقيت كنسمع غي الصوت ديال للبرد....ناري ممتي مصيبة هاذا والله حتى مصيبة ،دخلاتني النواية والسيدة غي ساكتة،شنو بغات هاذي اربي السلامة..زعمت وأنا نهدر معاها..سولتها..قتليها فاش بغيتي نعاونك خليني نمشي فحالي..ما جاوباتش...وشفتها كاتمتم بشي هدرة مامفهوماش ...بقيت صابر( ولكين حتى درتها فسروالي).فكرت نهرب لقيتها سادا عليا البيبان...والله إلى مصيبة هادي ..شوية وهي تسكت وشافت فيا ..وقاتليا بللي بغااتني نعاونها باش نجبدو شي ميت من قبرو...تزنكت والقلب ديالي بغا يسكت ولكن ترجلت مللي قاتليا غادي نتهلا فيك ونعتيك للي بغيتي..وأنا نقول معى راسي للي ليها ليها شنو غادي يوقع...المهم صافي تفاهمنا أنا والسيدة هبطنا من الطوموبيل.الدنيا كلها كحلة تا حاجة ما كاتبان...شعلات هي شمعة ..ناري ميمتي فين أنا....جاتني البكية ..لقيت راسي وسط مقبرة ...عتاتني الشمعة ومشات هي جابت فاس وبالة...والله إلى السيدة معولة....تمشينا شوية وصلنا لواحد القبر باينة فيه جديد..بدات عاوتاني تمتم وأنا غادي نموت حداها بالخلعة...أش دااني لهاد المصيبة لكحلة...ندمت ولكن ....خاصني نكمل...شديت الفاس وبديت كنحفر..كنحفر..كنحفر حتى وصلت للجتة دال السيد للي مات...جبدات جنوي وعتاتوليا...أويلي شنو هاد شي ....قاتلي هاك قتعلو يدو ليسرية...ناري شنو تاتgول هاذي.هزات عليا جنوي..gاتليا دير للي gتليك ولا ندبح مك..بديت كنطلب فيها ونزاوg...مللي شفت الدعوة مامسلكاش بديت كانغوت...كانغوت.......كانغوت..شوية وأنا نسمع.......



آه سمعت والله حتى سمعت
_
_
_
_
_
_
_
_
_
_
_
_
_
_
_
_
_
_
_
_
الواليدة:
نوض المصيبة راه مشى عليك لوقت
ونتا لليل كامل كاتعوg ماخلتيناش نعسو
هههههه
-----
--
-

غي كنت كانحلم..الحمد لله الحمد لله